I sulen bregut plot me gurë valët,

Minutat tona në një fund shpejtojnë,

Ndërrojnë vend të prasmet me të parat

Dhe tok përpara me mundim nxitojnë.

I porsalinduri sa del në dritë

Drejt pjekurisë çapat i nxiton,

Me errësirën luftë bën përditë,

Me Kohën-mëmë që e shkatërron.

Se Koha shumë shpejt e çart të ritë,

Ballin e bukur e shëmton, e rrudh,

As më e bukura ndër bukuritë

Nga kosë e Kohës s’shpëtoka kurrë.

Përballë Kohës vargjet do qëndrojnë

Dhe për inat lavdi ty do të këndojnë.

Background music: Mozart.Concerto for P&O No21 in C major.

Shqipëroi: Cezar Kurti