CLII

E di dhe ti që ta kam shkelur besën,

Por edhe ti dy herë ke tradhtuar:

Për mua shkele në fillim martesën,

Pastaj një tjetër duke dashuruar.

Pse të qërtokam për tradhtitë e tua,

Kur njëzet herë unë vetë të kam tradhtuar ?

Të shaj sepse të ndahem teje dua,

Në nderin tënd më duke mos besuar.

Të jam betuar se ke ti mirësi,

Se je e dashur, je e drejtë, e besës,

Që të shkëlqesh, verbova sytë e mi,

Ti i ndërseve kundër së vërtetës.

Për bukurinë tënde u betova ,

Dhe me gënjeshtra veten e mbulova.

Background music: Bethoven – Appasionata.

Shqipëroi: Cezar Kurti

Copyright©1996 by Kurti Publishing