CLI

S'njeh dashuria brejtje të ndërgjegjes,

Që dihet se i lind vetë dashuria ?

Mos m'i kujto gabimet, ti shpirtkeqe,

Me fajin tim s'provohet pafajësia.

Sepse prej teje duke u tradhtuar,

Për qejf të trupit nderin tim tradhtoj,

Nis shpirti trupin duke e mësuar

Se si në dashuri të triumfojë.

Dhe mishin duke mos e kundërshtuar,

Arsyeja si trofe ty të cakton,

Krenare për një çmim që ke premtuar

Ajo tek këmbët tua hir kërkon.

Brejtje ndërgjegje s'ka ai njeri,

Që s'ra dhe që s'u ngrit në dashuri.

Background music: Brahms- Intermezo in B flat minor Op 117, No 2.