CXLVI

O qendër e një bote mëkatare,

O shpirt i gjorë, keqas i mashtruar !

Pse vuan dhe s'kursen ti veten fare,

Gjithnjë të jashtmen duke zbukuruar ?

Përse shpenzon kaq shumë për shtëpinë,

Ku fare pak ti ke për të qëndruar ?

Do ta gëzojnë krimbat pasurinë,

Që ti me djersë e pate grumbulluar.

Prandaj, o shpirt, mos i kurse fitimet,

As jetën me trishtim mos e rëndo,

Në gaz edhe hare mbyti hidhërimet,

Pa pasuri, i pasur ti jeto.

Hareshëm jetën duke e kaluar,

Mbi vetë Vdekjen ti ke triumfuar.

Background music: Brahms- Intermezo in B flat minor Op 117, No 2.

Shqipëroi: Cezar Kurti