CXXIX

Harxhim i shpirtit, turpi në pazar

Është epshi në veprim. Duke vepruar

Ai është i egër, vrasës, gjakatar,

Mizor, i vrazhdët dhe nuk do besuar.

Porsa fashitet, ndien neveri,

Herë i urryer, herë i dëshpëruar,

Ai është një karrem për çdo njeri,

Dhe kush e ha, vepron si i shkalluar.

Kur do - i çmendur, është i marrë kur ha,

Gjithnjë me veten veç në grindje-sherr,

Gëzim-plotë në uri, dëshpërim - pastaj,

Hare e pritur, prapa ëndërr-ferr.

Këtë e di kushdo, por asnjëherë

S’i shmang dot dyert e qiellit për në ferr.

Background music: Tchaikovsky – Liqeni i mjellmave.

Shqipëroi: Cezar Kurti

Copyright©1996 by Kurti Publishing