CXXVIII

Sa herë ti, që je muzika ime,

Me gishtat tu mbi drurin e bekuar

Muzikë luan dhe plot drithërime

I shkrin aq ëmbël tingujt e kulluar,

Ia kam zili kërcimit të çdo tasti,

Që hidhet lart të t'puthi dorën pak,

Të shkretat buzë, që u ikën rasti,

Nga trimëri' e tyre skuqen flakë.

Sa shumë të preken buzët dëshërojnë,

Të ndërrojnë vend me tastet kërcimtare!

Aq butë gishtat nëpër to kalojnë,

Sa druri s'duket më i vdekur fare.

Ti falua gishtat tasteve të lumtur

Dhe mua buzët falmi për t'i puthur.

Background music: Bethoven – Appasionata.

Shqipëroi: Cezar Kurti

Copyright©1996 by Kurti Publishing