CXXVI

Djalosh i këndshëm, ti e ke në dorë

Ta ndalësh Kohën që firon çdo orë;

Nga firot rritesh duke na treguar

Si dashatarët tret duke lulëzuar;

S'të lë Natyra, mëmë e shkatërrimit,

Ti ecën pak e rrugën nis të kthimit.

Ajo të ruan për qëllimin e saj,

Sa Kohën mbars, minutat vret pastaj.

Por mos ki frikë ! Zonja zemërgurë

Të mban pak kohë dhe të flak në rrugë.

Të bën hesapin pak si të vonuar,

Dhe një për një ti ke për ta paguar.

Background music : Tchaikovsky – Liqeni i mjellmave.

Shqipëroi: Cezar Kurti