CXX

Më vlejti që m'u solle keq dikur :

Kujtoj sa dhimbshëm ti më pate prekur,

Prandaj për fajin tim të bëhem urë,

Se zemër kam dhe jo një copë hekur.

Gjersa me fyerje keq të kam tronditur,

Ta bëra jetën ferr, sikur ti mua,

Nuk mund të rrikam dot për pa shoshitur

Çfarë pata hequr nga gabimet tua!

Dhe ja ku më kujton e zeza natë,

Që shkuam bashkë, dhembja sa godet,

Prandaj të sjell atë balzam të artë

Që zemrën ta shëron tek po pëlcet.

Gabimi yt u kthye në shpërblim:

Të fala, fal dhe ti gabimin tim.

Background music: Schubert. Scherzo in 8 flat-major.

Shqipëroi: Cezar Kurti

Copyright©1996 by Kurti Publishing